Samsung Galaxy S22 smartfon seriyası 45W sürətli şarj dəstəkləyəcək

                Növbəti ay təqdim edilməsi gözlənilən Galaxy S22 seriyası ilə bağlı yeni məlumatlar gəlməyə davam edir. Bu səfərki məlumatlara görə S22 seriyasında Samsung sürətli şarj dəstəyini artıracaq. S21 seriyasında 18W olan sürətli şarj texnologiyası bu səfər 45W ilə əvəzlənəcək.

               S21 seriyasında olduğu kimi S22 seriyasında da qutunun içindən şarj cihazı çıxmayacaq. Yəni istifadəçilər şarj cihazlarını özləri almalı olacaq. Lakin qutudan kənar satılması planlanan şarj cihazının şəkli yayımlanıb. EP-T4510 nömrəli yeni PD şarj cihazı 45W sürətli şarjı dəstəkləyəcək. Bu şarj cihazının əvvəlki modellərdən daha kiçik olacağı və 2 tərəfi Type-C olan 1.8 metr uzunluğunda USB naqil ilə satışa çıxacağı məlum olub.