Samsung şirkətinin gələn ay təqdim etməsi gözlənilən Galaxy S22 smartfon seriyasının satış qiymətləri internetə sızdırılıb. chunvn8888 ləqəbli istifadəçi tərəfindən bildirilən məlumatlara görə yeni smartfonların qiyməti ötən ilkilərə nəzərən 100 dollar daha baha olacaq.

               Galaxy S22 smartfon seriyasının ilk modeli S22 899 dollara, S22+ modeli 1099 dollara və ən güclü model S22 Ultra isə 1299 dollara satışa çıxacaq. Qiymətlərin artmasının ən böyük səbəbi isə hal-hazırda davam edən çip qıtlığının olmasıdır. Çiplərin istehsal materiallarının qiymətlərinin artması, həmçinin istehsalatın çətinləşməsi qlobal şirkətləri qiymət artımına məcbur edir.