Facebook Messenger üçün yeni funksiya təqdim olunub: Qısayollar

 Facebook Messenger üçün söhbət zamanı istifadə edilə biləcək Qısayollar adında yeni funksiya təqdim olunub. Beləliklə istifadəçilər söhbət zamanı /silent yazaraq qarşıdakı istifadəçiyə bildiriş verməyən mesajlar göndərə bilir.

 Facebook Messenger tətbiqi bir çox yeniliklər əldə etməyə başlayıb. Bu gün istifadəyə verilən funksiya isə Shortcuts və ya Qısayollar funksiyasıdır. Bu funksiya ilə birliktə istifadəçilər söhbət etdikləri digər istifadəçilərə /silent yazaraq mesaj göndərdikdə o istifadəçiyə mesaj bildirişi göstərilmir. Həmçinin söhbət qruplarında istifadə edə bilmək üçün @everyone qısayolundan istifadə etdikdə bütün istifadəçilərə bildiriş gedir. Qeyd edək ki, təqdim olunan funksiyalar Slack platforması ilə çox bənzərdir. Bundan başqa iOS istifadəçiləri /GİF yazaraq istədikləri gif formatlı şəkilləri asanlıqla tapıb göndərə biləcək. iOS-a özəl olan digər iki qısayol isə /shrug və /tableflip-dir. Bu qısayollar da masa çevirmə və çiyin silkələmək kimi text formatlı ifadələri göndərmək üçün istifadə edilə biləcək. Növbəti həftələrdə Messenger ilə pul göndərmək və qəbul etmək funksiyalarını yerinə yetirən /pay qısayolu da istifadəyə veriləcək. Lakin bu qısayol indilik sadəcə ABŞ-da istifadə oluna biləcək.