Meta (köhnə adı ilə Facebook) şirkəti istifadəçi çərəzlərinin qanunsuz istifadəsi səbəbilə 90 milyon dollar təzminat ödəyəcək. Bu təzminat cəzası sayca 7-ci oldu.

 Köhnə adı ilə Facebook, yeni adı ilə Meta kimi bilinən şirkət ABŞ-da artıq 7-ci dəfə təzminat cəzası ödəməli olacaq. Beləki 2012-də ildə başlayan məhkəmə prosesi artıq qərarlaşdırılıb. Şirkət 90 milyon dollar təzminat ödəməli olacaq. Məhkəməyə verilmə səbəbi isə odur ki, 2010 və 2011-ci illərdə Facebook şirkətinin istifadəçilər öz hesablarından çıxış etsə belə onları brauzer çərəzləri üzərindən izləməsi gündəmə düşmüşdü. Bir çox məhkəmə prosesi başladılsa da bir neçəsi qərarlaşdırıla bilməmişdi. Onlardan biri nəhayət ki, qərarlaşdırıldı və şirkətə uyğun cəza tətbiq edildi. Məhkəmə prosesi ən son 2020-ci ildə Kaliforniya Bölgə məhkəməsinə transfer edilib. Üzərindən 10 il keçən məhkəmə prosesi təzminat cəzası ilə yekunlaşdırılıb. Həmçinin Cambridge Analytic skandalı səbəbilə şirkət 650 milyon dollar təzminat da ödəmişdi.