Twitter-in böyük bir hissəsini satın alan və yeni sərmayəsinə görə sosial media platformasının idarəçiliyinə təyin olunacağı iddiaları ilə gündəmə gələn İlon Maska qarşı qrup davası açılıb.
Keçən həftə 2,8 milyard dollarlıq sərmayə ilə Twitter-in 9,2 faizini aldığını açıqlayan Elon Musk nəhəng sosial media platformasının ən böyük səhmdarına çevrilmişdi. İndi məşhur milyarder ABŞ Qiymətli Kağızlar və Birja Komissiyasına (SEC) sərmayəsini gec təqdim etdiyinə görə qrup davası ilə üzləşir. Qiymətli kağızlar qanununa görə, martın 24-də Twitter-dəki payını 5 faizə yüksəldən Musk 10 gün ərzində SEC-ə sərmayəsini bildirməli idi. Lakin aprelin 4-dək quruma heç bir məlumat verməyən məşhur milyarder digər səhmdarlar tərəfindən böyük tənqidlə üzləşib. Açılan iddiada Maskın sərmayəsindən əvvəl Twitter səhmlərini satan investorların Maskın açıqlamalarından sonra səhm qiymət artımını qaçırdığı və əziyyət çəkdiyi bildirilir. Həmçinin, Musk-ın "tələb edildiyi kimi, Twitter-də 5% pay aldığını investorlara açıqlamayaraq, əhəmiyyətli dərəcədə yalan və yanıltıcı bəyanatlar və nöqsanlar verdiyi" iddia edilir.
