Covid-19 virusu smartfon kamerası ilə təyin edilə bilər

    Kaliforniya Santa Barbara üniversitetinin alimləri smartfon vasitəsilə Covid-19 testlərini etməyə imkan verən yeni test üsulu üzərində işləyirlər. Beləliklə istifadəçilər smartfon kamerası və yeni test kitləri ilə asanlıqla Covid-19 testlərini edə biləcəklər.

    Hal-hazırda Covid-19 virusunun aşkarlanması üçün PCR test metodu istifadə edilir. Lakin bu metod bir xeyli bahadır. Həmçinin limitli olduğu üçün bütün insanlar yararlana bilmir. Bəhs edilən test kitləri vasitəsilə insanlar 7 dollar xərcləyərək smartfon kamerası ilə Covid-19 testlərini edə bilərlər. Beləki istifadəçilər apteklərdən 7 dollara satılan yeni test kitini alacaqlar. Sonra isə alimlər tərəfindən hazırlanan Bacticount tətbiqini smartfonlarına yükləyəcəklər. Bu tətbiq smartfonun ön kamerasını portativ isidiciyə çevirir. Ən sonda isə ağızdan alınan tüpürcək örnəyi test kitinə qoyulur və smartfonun ön kamerasına yerləşdirilir.

    Bu test kiti viruslu RNA-nı smartfon kamerasında təyin edilə biləcək səviyyəyə gətirmək üçün reaktiv bir maddə istifadə edir. Tətbiq işlədiyi zaman nümunədə virus təyin edilərsə smartfonun ekrana qırmızı rəngə çevrilir. Beləliklə virusun olub-olmadığı təyin edilir. Həmçinin rəng dəyişiminin sürətindən aslı olaraq virus miqdarını da təyin edə bilir. Qeyd edək ki, bu yeni metod hələ tamamlanmayıb. Əgər laboratoriya testləri uğurlu olarsa yaxın zamanlarda istifadəyə verilə bilər.