2021-ci ilin ən problemi smartfonu Pixel 6 Pro seçildi

2021-ci ilin ən problemi smartfonu Pixel 6 Pro seçildi

    Çin mediasına görə ötən ilin ən problemli smartfonu Pixel 6 Pro olub. Google şirkətinin smartfonu bir çox istifadəçini məyus edib. Bir çox xəta ilə üzləşən istifadəçilər problemlərin bitmədiyini bildirib.

    2021-ci ildə bir çox smartfon markası özünün flaqman modelini satışa çıxardı. Flaqman modellər ən yeni texnologiyanı istifadə etdiyi üçün digər seqmentdəki modellərdən daha baha satılır. Google şirkəti də özünün Pixel 6 seriyasını təqdim etmişdi. Bu seriyanın ən güclü və ən bahalı olan modeli Pixel 6 Pro istifadəçiləri bir xeyli məyus edib. Bunun əsas səbəbi isə smartfonda bir çox xətaların olmasıdır. Azərbaycanda rəsmi olaraq satışı olmayan Pixel 6 Pro smartfonu qlobal bazarda 899 dollara satılır. Dizaynı ilə premium görünən bu smartfonun problemləri çıxdığı gündən bu yana bitmir. Barmaq izi sensorunun zəifləməsi, ekranda titrəmələrin olması, zəng problemləri və digər problemlər istifadəçiləri bezdirib. Bu səbəbdən Çin mediası tərəfindən 2021-ci ilin ən problemli smartfonu Pixel 6 Pro seçilib. Problemlərin bir çoxu Google tərəfindən həll edilsə də yeni problemlər çıxmağa davam edir. Son zamanlarda çıxan yeni bir problem isə budur ki, şəkillərdə “Sehrli Silgi” funksiyası istifadə edildiyi zaman qaleriya tətbiqi çökür. Problem Google şirkətinə bildirilsə də rəsmi olaraq təsdiqlənməyib. Qeyd edək ki, Android əməliyyat sisteminin sahibi olan Google-un öz smartfonlarında stabilliyi qoruyub saxlaya bilməməsi marka dəyərinə bir xeyli zərər yetirib. 

Şərhlər

Digər xəbərlər