Google-a məxsus Chrome brauzerinin 100.versiyası yenilənmiş loqo ilə birliktə yayımlanıb. 14 il əvvəl ilk versiyası yayımlanan brauzer bu gün 100.versiyasını yayımladı. Həmçinin proqramın loqosu 8 il sonra ilk dəfə dəyişib.

 İlk dəfə 2008-də yayımlanan Chrome brauzeri 14 il sonra 100.versiyaya gəlib çatdı. Yeni versiya ilə birliktə yeni loqo da istifadəyə verilib. Qeyd edək ki, proqram ən son 2014-cü ildə öz loqosunu yeniləmişdi. 100.versiya olmasına baxmayaraq Google çox da yeniliklər gətirməyib. Lakin ən önəmlisi 28 ədəd kritik təhlükəsizlik boşluğu düzəldilib. Bundan başqa təhlükəsizliklə əlaqəli iki yenilik istifadəyə verilib. Bunlardan biri brauzerin və şifrələrin təhlükəsizliyini yoxlamağa imkan verir, digər yenilik isə brauzerdə zərərli əlavələrin olub olmadığını analiz edir. Chrome 100 artıq bütün platformalarda istifadəçilər üçün yükləməyə açıqdır.