Dünyanın ilk 500 Hz monitoru ortaya çıxdı

Dünyanın ilk 500 Hz monitoru ortaya çıxdı

    BOE Technology tərəfindən hazırlanan dünyanın ilk 500 Hz dəstəkli monitorunun videosu internetə sızdırılıb. Bəhs edilən monitorun TFT panel istifadə etdiyi düşünülür. Rəsmi olaraq hələki təqdim olunmayıb.

    Dünyanın ən böyük LCD, OLED qıvrımlı ekran istehsalçılarından biri olan BOE Technology yaxın gələcəkdə monitor bazarında inqilab edəcək kimi görünür. Sızdırılan məlumatlara görə şirkət 500 Hz yeniləmə tezliyinə malik yeni monitor üzərində işləyir. Hal-hazırda monitor ekosistemində ən yaxşı monitorlarda belə ən çox 360 Hz yeniləmə tezliyi istifadə edilir. Sızdırılan videoya göre BOE şirkəti 27 düymlük monitor ilə bu limiti keçəcək. Lakin bir digər önəmli məqam bu monitorda OLED paneldən istifadə edilməməsidir. Qeyd edək ki, protip olan bu monitor hər 2 millisaniyədə 1 dəfə yeni görüntü yarada bilir. Bu parametr 360 Hz monitorlarda 2.78 millisaniyədə 1 dəfə, 240 Hz monitorlarda 4.17 millisaniyədə 1 dəfə olur. Standart 60 Hz monitorlarda 16.7 millisaniyədə 1 dəfə olan bu dəyərlər, 144 Hz monitorlarda 6.95 millisaniyədə 1 dəfə olur. Yəni 500 Hz olan monitor digərlərinə nəzərən çox daha axıcı bir görüntü göstərə bilir.

    BOE Technology-nin yeni monitoru 500 Hz dəstəyini hələlik yalnız 1080P keyfiyyətində istifadə edə bilir. Əslində bu çox da təəccüblü deyil. Çünki ən yaxşı monitorlar belə 360 Hz dəstəyini yenə təkcə 1080P keyfiyyətində istifadə edə bilir. Sızdırılan videodan sonra bir çox istifadəçi bir xeyli təəccüblənib. Yaxın illərdə monitor ekosistemində çox ciddi yeniliklər görə bilərik. 


Şərhlər