Apple Studio Display monitoru ilə bağlı şikayətlər artır

 Apple-ın yeni çıxardığı monitor Studio Display artıq istifadəçilərin şikayətlərinə səbəb olmağa başlayıb. Bir çox istifadəçi FaceTime-ın gözlənildiyi kimi işləmədiyini və monitorun yeniləmə xətası verdiyini söylədi. Apple-ın ötən günlərdə təşkil etdiyi 'Peek Performance' tədbirində təqdim etdiyi məhsullardan biri də Studio Display adlı monitor idi. Standart şüşə və nano teksturalı şüşə versiyalarını istifadəçilərə təqdim edilən monitor böyük marağa səbəb olub.

 Monitor bir çox istifadəçi tərəfindən bəyənilərək diqqət çəksə də, qiyməti ilə də reaksiya doğurub. Hazırda monitorun qiymətindən başqa istifadəçilərdən müxtəlif məsələlərlə bağlı şikayətlər gəlməyə başlayıb. Çox sayda istifadəçi yeni monitorları ilə ilk təcrübələri zamanı bir çox problemlərlə qarşılaşdıqlarını söylədi. Apple-ın müzakirə forumunda ortaya çıxan iddiaların əksəriyyəti FaceTime-in gözlənildiyi kimi işləməməsi və proqram təminatı yeniləməsi zamanı Studio Display-in xəta verməsi idi. Yeniləmə xətası forumda daha 50 istifadəçi tərəfindən təsdiqlənib və bir çox istifadəçi bu xətanı onların da aldığını bildirib. Apple-ın maraqla gözlənilən monitorunda artıq belə problemlərə rast gəlinməsi istifadəçilər üçün böyük məyusluq olub. Bəzi istifadəçilər problemi həll etmək üçün fərqli üsullar sınayarkən, işlədiyini düşündükləri üsulları bir-birləri ilə paylaşmağa başladılar. Bir istifadəçi Mac Studio-nu bağladıqdan sonra Studio ekranlarını çıxardığını və LG monitorunu qoşduğunu və bu yolla macOS proqramını yeniləməyi bacardığını bildirib. Problemin Apple serverlərindən qaynaqlanması mümkün olsa da, Apple hələlik mövzu ilə bağlı açıqlama verməyib.