İDDİA: Apple şirkəti smartfonlarında şarj girişlərini tamamilə ləğv etmək istəyir

 İddialara görə Apple şirkəti smartfonlarında şarj girişlərini tamamilə ləğv etmək istəyir. Bir müddətdir ki, həm istifadəçilər, həm də nizamlayıcı qurumlar Apple şirkətindən tələb edir ki, Lightning şarj girişləri USB Type-C girişlərə dəyişdirilsin. Beləliklə istifadəçilər smartfonlarını hər hansı Type-C naqil ilə şarj edə biləcəklər.

 Lakin Apple şirkəti bu tələblərə qarşı reaksiyasız davranır. İnternetdə yayımlanan məlumatlara görə Apple şirkətinin reaksiyasız davranmasının bir səbəbi var. Şirkət öz smartfonlarında şarj naqillərini tamamilə ləğv etmək istəyir. Beləliklə Apple smartfonları sadəcə naqilsiz şarj olunacaq. Bu texnologiyanın gələcəkdə bütün smartfonlara tətbiq ediləcəyi gözlənilir, lakin Apple şirkəti bunu daha tez tətbiq etmək istəyir. Qeyd edək ki, naqilsiz şarj texnologiyalarının yavaş inkişaf etməsinin bəzi səbəbləri var. Bunlardan biri də Çindəki limitdir. Çindəki qanunlara əsasən smartfonlarda 50W üzərində naqilsiz şarj texnologiyası istifadə edilə bilməz. Çin bazaranın smartfon markaları üçün önəmli olduğunu nəzərə alsaq bu ciddi maneə hesab olunur. Həmçinin naqilsiz şarj texnologiyalarında artıq 120W sürətində şarj sistemləri test edilir.

 Apple şirkətinin smartfonlarda tamamilə naqilsiz şarj sisteminə nə vaxt keçəcəyi bəlli deyil.