Apple şirkətinə məxsus bir çox servis dünən axşamdan çöküb. Hətta şirkətə məxsus ticarət platformasının belə çökdüyü bildirilir.

 Dünən gecə Apple serverlərində olan problem səbəbilə şirkətə məxsus bütün servislər çöküb. App Store başda olmaqla Apple Arcade, iCloud, Apple Music, Xəritələr kimi bir çox servislər insanlar tərəfindən istifadə edilə bilməyib. Server problemlərinin ən böyük təsiri Apple Mağazalarına da yansıyıb. Beləki şirkətin öz mağazalarında istifadə etdiyi rəqəmsal əlaqələr də kəsilib. Bu zaman müddətində mağazalar rəqəmsal ödənişlər yerinə kağız ilə ödənişləri təsdiqləyib çek veriblər. Gecənin gec saatlarında şirkətin bütün servisləri təkrar işlək hala gətirilib. Lakin bir müddət yavaşlama problemi davam edə bilər.

 Qeyd edək ki, Apple kimi nəhəng şirkətlər öz ekosistemini idarə etmək üçün xüsusi serverlər hazırlayırlar. Göstərilən bütün xidmətlər bu servər üzərindən güc alır. Bu səbəbdən serverlərdə kiçik bir problem olsa belə şirkətin istifadə etdiyi bütün servislər çökə bilir. Bu kimi hallar Google, Meta və Microsoft kimi nəhəng şirkətlərin də başlarına gəlib.