Apple şirkəti yeni təqdim etdiyi Mac Studio cihazlarında SSD dəyişdirməyi qadağan edib. Yeni qadağa Mac Studio-nin sisteminə inteqrasiya edilib.

 Apple-ın yeni təqdim etdiyi Mac Studio cihazı bir çox istifadəçi tərəfindən çox bəyənilib. Bilindiyi kimi Apple öz cihazlarında yaddaşı artırmağ istəyənlər üçün icazə verir. Yəni cihazınızın yaddaşı 256 GB-dırsa 1 TB SSD taxaraq yaddaşı artıra bilirsiniz. Lakin təqdimat zamanı şirkət Mac Studio cihazlarında Apple artıq bunu məsləhət görmədiyini bildirmişdi. İndi isə şirkət proqram təminatı səviyyəsində bir qadağa gətirdi. Beləliklə istifadəçilər Mac Studio-nun yaddaşını artırmaq üçün SSD yaddaş qurğusunu dəyişsə belə cihaz bu qurğunu tanımayacaq və açılmayacaq. Bu da bir çox istifadəçinin şikayət etməsinə səbəb olub. Apple-ın belə bir qərar verməsinin əsas səbəbi yeni bir SSD-in Mac Studio cihazına doğru quraşdırmaq üçün proqram təminatının sadəcə öz servislərində olmasıdır. Bu addım da şirkətin “Özün Təmir Et” təklifinə çox ziddir. İddialar belədir ki, şirkət bunu irəlidə bir çox cihazı üçün tətbiq edə bilər. Bu halda da şikayətlərin sayı daha da artacaq. Qısaca əgər Mac Studio alacaqsınızsa ehtiyacınız olan yaddaş həcminə doğru qərar verin. Əks halda cihazın yaddaşını bir daha artıra bilməyəcəksiniz.