Apple şirkəti Mac seriyası üçün yeni cihaz təqdim edib: Mac Studio

Apple şirkəti Mac seriyası üçün yeni cihaz təqdim edib: Mac Studio

 Apple şirkəti Peek Performance adlı tədbirində yeni Mac Studio cihazını təqdim edib. Mac Mini seriyasının daha güclü modeli olan Mac Studio M1 Ultra M1 Max ilə təchiz edilib. Beləliklə performans istəyən istifadəçilərin seçimləri daha çox artıb.

 Bir müddətdir ki, internetə sızdırılan yeni Apple cihazı Mac Studio nəhayət ki, təqdim edildi. Beləliklə Mac Mini modelinin daha güclü və biraz da böyük yeni bir versiyası istifadəçilərə təklif edilə biləcək. Yeni kompakt komputer şirkətin ən güclü iki prosessoru ilə təchiz olunub. Bunlar M1 MaxM1 Ultra-dır. Bu seçimlərlə birlikdə Mac Pro modeli ilə rəqabət apara bilən Mac Studio cihazı yüksək performans vəd edir. Cihazın ən güclü versiyası prosessor tərəfində 20 nüvəyə, qrafik çipi tərəfində isə 64 nüvəyə qədər çıxır. Həmçinin 128 GB ram dəstəyi olan Mac Studio modeli 2.5 TB/s data transfer sürətlərini də təmin edir. Cihazda bir ədəd Thunderbolt 3 girişi, üç ədəd USB Type-C girişi mövcuddur. Bu cihaza dört ədədə qədər Pro Display XDR monitorları bağlamaq mümkün olacaq. Həmçinin Wi-Fi 6 və Bluetooth 5.0 texnologiyaları da dəstəklənir. Mac Studio kompakt komputeri 128 GB ram 8 TB yaddaşa qədər seçimlər ilə mövcud olacaq. Cihazın M1 Max prosessorlu versiyası 1999 dollardan, M1 Ultra prosessorlu versiyası isə 3999 dollardan başlayan qiymətlərlə satışa çıxacaq.

Şərhlər

Digər xəbərlər