Apple istifadəçilərinin tətbiqlərə daha çox pul xərclədiyi bəlli olub (Araşdırma)

 Sensor Tower-in etdiyi araşdırmalara görə Apple istifadəçilərinin tətbiqlərə daha çox pul xərclədiyi bəlli olub. Paylaşılan məlumatlara görə Apple istifadəçiləri Android istifadəçilərindən 2 dəfədan daha çox pul xərcləyir.

 App Store və Google Play üzərindən gəlir qazanmağın yollarından biri Abunəlik sistemidir. Beləliklə istifadəçi müəyyən məbləğ ödəyərək servisin xidmətlərindən istifadə edə bilir.Sensor Tower tərəfindən aparılan araşdırmaya əsasən iOS və Android istifadəçilərin bu abunəlik sistemlərini nə qədər istifadə etdiyi bəlli olub. Analitiklər iddia edir ki, abunəlik sisteminə daxil olan ən yaxşı 100 tətbiq 13.5 milyard dollar gəlir qazanıb. Eyni tətbiqlər Google Play Store üzərində sadəcə 4.5 milyard dollar gəlir qazana bilib. Bu da göstərir ki, Apple istifadəçiləri Android istifadəçilərinə nəzərən daha çox pul xərcləyirlər. Bu səbəbdən App Store tətbiq mağazası tərtibatçılar üçün daha səmərəlidir. Həmçinin Apple istifadəçilərinin abunəlik sisteminin digər xidmətlərindən faydalanmağa daha həvəsli olduğu aşkarlanıb. Beləliklə App Store istifadəçilərinin illik sərf etdiyi xərclər 31% artarkən, Google Play 78% artıb. Artım yüksək görünsə də Apple istifadəçiləri tətbiq tərtibatçılarına daha çox qazandırır. Ən çox gəlir qazanan tətbiqlər içində Youtube, Tinder, Google One və Piccomo tətbiqləri yer alır.