Apple iPhone SE 3-ün parametrləri təqdimatdan əvvəl sızdırıldı

 Apple təqdimatından əvvəl iPhone SE 3-ün parametrləri sızdırılıb. Məşhur Apple analitiki Ming-Chi Kuo 3.nəsil iPhone SE modelinin parametrlərini paylaşıb. Qeyd edək ki, təqdimat 8 Mart tarixində baş tutacaq.

 Analitikin paylaşdığı məlumatlara görə iPhone SE 3 modeli mövcud SE dizaynı ilə satışa çıxacaq. A15 Bionic çipindən güc alan smartfon 5G dəstəyinə malik olacaq. Əvvəlki SE modelindən fərqli olaraq iPhone SE 3 64128 GB və 256 GB yaddaş seçimləri ilə təqdim olunacaq. Həmçinin modelin 25-30 milyon civarında istehsal edilməsi planlanır. Həmçinin smartfon 3 rəngdə olacaq: Ağ, qara və qırmızı. Analitik qeyd edir ki, smartfonun istehsalı bu aydan etibarən başlayacaq və Apple 25-30 milyon civarında satış rəqəmləri gözləyir.

 Qeyd edək ki, analitik Ming-Chi Kuo Apple haqqında verdiyi doğru məlumatlar ilə tanınır. Daha əvvəl verdiyi məlumatlar da öz təsdiqini tapıb. Bu səbəbdən analitik haqqında güvənilir mənbə demək olar.