Apple iPhone 15 Pro-da FaceID ekranın altına gizlədiləcək

 Yeni məlumatlara əsasən Apple şirkəti iPhone 15 Pro-da FaceID texnologiyasını ekranın altına gizlədəcək. Bunun edilməsində Samsung Display, Apple şirkətinə köməklik göstərəcək.

 Hal-hazırda Samsung Display və OTI Lumionics növbəti il Galaxy Z Fold 5 smartfonunda təqdim olunacaq və sonra da 2023-un son aylarında iPhone 15 Pro və Pro Max modellərində istifadə ediləcək olan ekran altı texnologiyalar təkmilləşdirirlər. TheElec tərəfindən verilən məlumatlara görə Samsung və OTI Lumionics ekran altı texnologiyaları təkmilləşdirmək üçün işbirliyi qurublar. Bu yeni texnologiyalar ilə birlikdə Apple şirkəti iPhone 15 seriyasının bəzi modellərində FaceID sensorlarını ekranın altına gizlədə biləcək. Qeyd edək ki, şirkət iPhone 14 seriyasında çərtikli ekran yerinə iki dəlikli ekran istifadə edəcək.