Apple şirkətinin növbəti il təqdim etməsi gözlənilən iPhone 15 Pro smartfonunda periskop kameraya keçəcəyi gözlənilir. iPhone 14 smartfon seriyasının təqdimatına hələ uzun müddət qaldığını nəzərə alsaq, indidən iPhone 15 ilə bağlı sızıntılar gəlməyə başlayıb.

        Periskop kamera sistemi smartfon ekosistemində ciddi bir yenilik olaraq görülür. İlk dəfə Huawei tərəfindən istifadə edilən periskop kameralar smartfonların daha yaxşı şəkil və video çəkməsinə kömək etdi. O zamandan sonra bir çox smartfon istehsalçısı periskop kameraya keçid edib. Lakin istifadəçilərin əsas gözlədiyi Apple şirkətinin də keçməsi idi. Bundan bir müddət əvvəl analitik Ming-Chi Ku tərəfindən verilən məlumatlara görə Apple şirkəti də periskop kameraya keçməyi planlayırdı. İndi isə bir başqa analitik olan Jeff Pu bildirir ki, Apple şirkəti 5 qat yaxınlaşdırma edə bilən periskop kameraları test etməyə başlayıb.

      Yeni kamera sisteminin iPhone 15 Pro və Pro Max modellərində istifadə edilməsi gözlənilir. Həmçinin verilən bir digər məlumata görə Apple şirkəti periskop kameraların istehsalı üçün Lante Optics şirkəti ilə danışıqlara başlayıb. Bundan başqa Apple-ın artıq son versiya periskop kameraları test etdiyi və son qərarın May 2022-də veriləcəyi də bildirilir.