Apple, iPhone 14 seriyasında ciddi dəyişikliklər etməyi planlayır

 Apple bu il təqdim edəcəyi iPhone 14 seriyasında çox ciddi dəyişikliklər etməyi hədəfləyir. Bunlardan biri smartfonların prosessor tərəfində olacaq.

 Məşhur analitik Ming-Chi Kuo bildirib ki, bu ilin sonlarında təqdim olunacaq iPhone 14 seriyasında güc baxımından modellər arasında ciddi fərqlər olacaq. Twitter hesabında məlumatları paylaşan analitik Apple şirkətinin A16 Bionic prosessorlarını sadəcə iPhone 14 Pro və Pro Max modellərində istifadə ediləcəyini yazıb. Standart iPhone 14 və iPhone 14 Max modeli isə ötən ilin iPhone 13 seriyasında istifadə olunan A15 Bionic prosessorunu istifadə edəcək. Həmçinin iPhone 14 və iPhone 14 Max modelində artıq 4 GB yerinə 6 GB ram istifadə olunacaq. Bu ramlar LPDDR4X texnologiyası istifadə edərkən iPhone 14 Pro və Pro Max modelləri LPDDR5 istifadə edəcək. Bütün bunlara nəzər yetirəndə görünür ki, Apple şirkəti iPhone 14 seriyası ilə birliktə Pro və Pro Max modellərini performans baxımından daha ayrı bir seqmentdə yerləşdirəcək. Bir digər məlumat isə odur ki, Apple şirkəti bu il iPhone 14 Mini modelini çıxartmayacaq. Yəni təqdimat zamanı sadəcə 4 yeni iPhone modeli göstəriləcək.

 Apple-ın iPhone 14 seriyasında edəcəyi bir digər dəyişiklik isə peyk şəbəkəsidir. Mənbələr bildirir ki, şirkət prototip səviyyəsində artıq bəzi testlərə başlayıb. Beləliklə yeni iPhone modelləri Wi-Fi və Operator şəbəkəsindən əlavə olaraq peyk vasitəsilə də əlaqə qurmağı təmin edə bilər. Bu texnologiya Steve Jobs-un xəyallarından biri idi. Bu xəyalın davamçısı olan Tim Cook 2019-cu ildə xüsusi bir komanda yığaraq Stewei kod adında yeni bir proyektə başladı. İndi isə artıq bu proyekt prototip səviyyəsində test mərhələsinə qədər gəlib çatıb. Həmçinin mənbələr bildirir ki, bu texnologiya da sadəcə iPhone 14 Pro və Pro Max modellərində olacaq.  Apple A15 Bionic prosessoru istifadə edən iPhone 14 və iPhone 14 Max modelləri bu texnologiyadan faydalana bilməyəcək.