Apple iPhone 14 Pro haqqında ilk məlumatlar sızdırılıb

 Bu il təqdim olunması gözlənilən Apple iPhone 14 Pro ilə bağlı ilk məlumatlar sızdırılıb. İddialara görə yeni smartfon əvvəlki nəsildən daha güclü olacaq. Bu haqda Koreyalı bloq saytı xəbər verib.

 Apple şirkəti bu ilin sonlarına yaxın yeni iPhone 14 seriyasını istifadəçilərə təqdim edəcək. Keçən il paylaşılan render və konsept videolara görə növbəti iPhone smartfonlarında ekran çəntiyinin yerinə yuvarlaq kamera yerləşdiriləcək. Həmçinin qulaqlıq girişi smartfonun üst çərçivəsinə yerləşdirələcək. Lakin qeyd edək ki, bu məlumatlar rəsmi deyil. İndi isə Koreyalı bir bloq saytının sızdırdığı məlumatlara görə iPhone 14 Pro modeli 8 GB ram ilə təchiz ediləcək. Bundan başqa yeni iPhone seriyası bu ilin Sentyabr ayında təqdim ediləcək və iPhone 14 Pro 999 dollardan satışa çıxacaq. Mənbənin verdiyi bir digər məlumat isə odur ki, iPhone 14 Pro modeli sadəcə E-Sim dəstəyi ilə çıxış edəcək və 48 MP arxa kameraya malik olacaq. Həmçinin smartfonun 6.1 düym ekranı olacağı bildirilib.

 Bu məlumatların hər birinin iddia və sızıntı olduğunu, Apple tərəfindən təsdiqlənmədiyini nəzərinizə çatdırmaq istəyirik. Lakin bunlar arasında doğruluq payı ən çox olan ekran çəntiyinin qaldırılması və kameranın  ekrana inteqrasiya edilməsidir. Android smartfonlarda artıq ekran çəntiyi istifadə edilmir və bütün yeni modellərdə kamera sensorları ekranın içinə inteqrasiya edilir. Bu baxımdan Apple şirkəti dizayn olaraq rəqiblərindən geri qalır demək mümkündür. Lakin növbəti iPhone 14 seriyası ilə birliktə şirkət bu dəyişiklikləri edərək rəqiblərinə çata bilər.