Apple şirkəti iPhone 13 Pro və Pro Max-ın bənövşəyi rəngli versiyasını təqdim etməyə hazırlaşır. 8 Mart tarixində keçiriləcək olan Apple təqdimatında bir çox yeni cihaz təqdim ediləcək. Bunlardan biri də yeni rəng versiyalı iPhone 13-lər olacaq.

 Apple şirkətinin hal-hazırki flaqman seriyası iPhone 13 ailəsi bir çox istifadəçi tərəfindən uğurlu hesab edilir. İndi isə şirkət bu seriyaya yeni rəngi olan versiya əlavə etməyi planlayır. 8 Mart tarixində Apple təqdimat zamanı bənövşəyi smartfonun təqdim edilməsi gözlənilir. Qeyd edək ki, şirkət eyni strategiyanı iPhone 12 üçün də etmişdi. Lakin bu səfərki iPhone 13-lərin bənövşəyi rəngi daha fərqli olacaq. Verilən məlumatlara görə rənglər daha tutqun və dolğun olacaq. Həmçinin bu modelin xanımlar arasında daha məşhur olacağı düşünülür. Bundan başqa 8 Mart təqdimatında iPhone SE 2022, iPad Air 5 və yenilənmiş Mac modellərinin də təqdim edilməsi gözlənilir.