Maska ilə FaceID aça bilən iOS 15.4 yayımlandı

 Uzun müddətdir test mərhələsində olan iOS 15.4 bütün istifadəçilər üçün yayımlanıb. Bu yenilənmə ilə birliktə istifadəçinin üzündə maska olsa belə FaceID onu tanıya biləcək və smartfon kilid rejimindən çıxacaq.

 Apple şirkəti bir müddətdir test mərhələsində olan iOS 15.4 və iPadOS 15.4 yenilənmələrini bütün istifadəçilər üçün yayımlayıb. Yenilənmə paketlərinin həcmi cihazdan cihaza dəyişsə də ortalama olaraq 1.21 GB-dır. Bu yenilənmələrin əsas yeni funksiyaları FaceID ilə bağlıdır. Beləki FaceID kameralar artıq istifadəçinin üzündə maska olsa belə onu tanıyıb smartfonu kiliddən çıxaracaq. Həmçinin artıq ödəmələrin FaceID ilə təsdiqlənməsi də mümkündür. Bu funksiyaları istifadə etmək üçün smartfonun Ayarlar bölməsindən FaceID və Şifrə bölməsində uyğun ayarları aktivləşdirməlisiniz.

 Bundan əlavə olaraq bu yenilənmələr ilə birliktə 37 yeni smaylik, Siri üçün yeni səs dəstəyi, iPhone 13 və 13 Pro Max üçün üçüncü tərəf tətbiqlərdə 120 Hz ProMotion dəstəyi kimi yeni funksiyalar əlavə edilir. Bir digər yeni funksiya üçün Kontrol funksiyasıdır. İstifadəçilər bu funksiya ilə birdən çox Mac və iPad cihazlarını tək bir klaviatura/maus ilə idarə edə biləcək. iPhone 13 ailəsi üçün gələn təkmilləşdirilmiş 120 Hz ProMotion dəstəyi artıq bütün üçüncü tərəf tətbiqlərdə işləyə biləcək.