Apple-ın yeni gizlilik funksiyası Facebook-a maddi zərər vura bilər

Apple-ın yeni gizlilik funksiyası Facebook-a maddi zərər vura bilər

    Apple şirkətinin yeni iOS funksiyası FacebookMeta şirkətinə ciddi miqdarda maddi zərər vura bilər. Yeni iOS funksiyasi milyonlarla iPhone istifadəçisini reklam verənlər tərəfindən hədəf alınmasını limitləyir. Bu səbəbdən Meta şirkəti Facebook və digər platformalarında reklam hədəfləməsi edə bilməyəcəyi üçün maddi zərərlə qarşılaşa bilər.

    iPhone smartfonlarına gəlməsi planlanan yeni “Tətbiq izləmə şəffaflığı” funksiyası istifadəçilərə öz datalarını reklamçılara istifadə üçün açıb açmayacağını seçməyə imkan yaradacaq. Bu səbəbdən Facebook reklam gəlirləri ciddi səviyyədə azala bilər. Şirkətə dəyəcək təxmini maddi zərər 10 milyard dollar ola bilər. Bu funksiya ilə reklamçılar iPhone istifadəçilərə reklamları daha çətinliklə göstərə biləcəklər. Bu açıqlamanı isə Facebook rəsmiləri bildirmişdi. Bunun üzərinə Apple rəsmisi olan Jane Hovart bildirib ki, Facebook əsas məqsədinin istifadəçi datalarını toplamaq olduğu qəbul edib. Apple şirkəti bunu istifadəçilərə edilən hörmətsizlik olaraq qəbul edir. İstifadəçi gizliliyinin hər şeydən önəmli olduğu bildirilib.

    Qeyd edək ki, Apple şirkəti əslində bu dəyişikliyi keçən il etməyi planlayırdı. Lakin digər şirkətlərin buna ayaq uydurması üçün onlara müəyyən vaxt verməyi seçdi. Reklam verən şirkətlər hər nə qədər buna etiraz etsələr də Apple şirkəti bu addımında qərarlıdır. Görünən odur ki, milyonla iPhone istifadəçisi bundan sonra daha az reklamla qarşılacaq.

Şərhlər

Digər xəbərlər