Apple, iPhone qutularından aksesuarları çıxararaq rekord qazanc əldə edib

 Apple şirkəti iPhone qutularından aksesuarları çıxararaq 6.5 milyard dollar qazanc əldə edib. Bu rəqəmlərə satılan qulaqlıqlar və şarj cihazları daxil deyil.

 Apple şirkəti kritik bir qərar verərək iPhone qutularından aksesuarları çıxarmağa başlamışdı. Şirkət bu addımını belə izah etmişdi ki, təbiəti kirlilikdən qorumaq üçün edir. Bu qərardan sonra bir çox smartfon markası da eyni addımı atmağa başlamışdı. Apple bu kritik qərarı iPhone 12 modellərinin təqdimatında bildirib. Brazilya və Fransa kimi ölkələrdə hələ də qutudan aksesuarlar çıxsa da qlobal olaraq bir çox ölkədə iPhone qutularından aksesuar çıxmır. Daily Mail tərəfindən bildirilən məlumata görə Apple şirkəti bu addımla ümumi 6.5 milyard dollar qazanc əldə edib. Beləki qutularda aksesuar olmadığı üçün ölçülər kiçilib. Bu halda da şirkət logistik olaraq daha çox iPhone göndərə bilib. Həmçinin Apple bildirib ki, bu addımlar karbon emissiyasını 2 milyon metrik ton azaldıb. Bir digər məlumat isə belədir ki, şirkətin bu addımı atması logistika xərclərini 40% azaldıb. Bu da ciddi rəqəm hesab olunur.

 Həmçinin qutulardan aksesuarların çıxarılması Apple şirkətinə hər iPhone modeli üçün əlavə 35 dollar qazanc gətirib. Lakin istifadəçilər bu addımı çox da bəyənməyib. Aksesuar sayı azaldılsa da iPhone smartfonlarının qiyməti azalmayıb. Əlavə olaraq istifadəçilər aksesuar almaq istədiklərində 38 dollar xərcləməli olurlar. Bu da Apple şirkətinin qulaqlıq və şarj cihazı satışlarından 293.4 milyon dollar qazanc əldə etməsini mümkün edib.