Apple açıqladı: Bütün "iPhone"ların neçə faizində iOS 16 quraşdırılıb?

Apple 5 iyunda başlayacaq WWDC23 tədbirində iOS 17-ni təqdim edəcək. Bundan əvvəl şirkət App Store-dən cari iOS 16 və iPadOS 16-nın nə qədər yükləndiyini açıqladı. Hazırda bütün aktiv “iPhone”ların neçə faizində iOS 16-nın quraşdırıldığı və neçə köhnə iOS versiyasının olması ilə maraqlananlar üçün cari statistika paylaşılıb. Apple bildirir ki, bütün aktiv “iPhone”ların 81%-də hazırda iOS 16 quraşdırılıb. Müqayisə üçün qeyd edək ki, fevralda bu, 72% olub. Cari məlumatlara görə, aktiv “iPhone”ların 13%-i hələ də iOS 15, 6%-i isə iOS-un daha köhnə versiyası ilə işləyir. iPhone 8 və daha yeni modellər iOS 16 yeniləməsini aldı.

Apple deyir ki, bütün aktiv “iPad”lərin 71%-i iPadOS 16 ilə işləyir. Fevral ayında bu nisbət 50% olub.

iOS 17 beta versiyası gələn həftə buraxılacaq

Apple keçən ilin eyni dövründə iOS 15-in qəbul nisbətini 82% olaraq açıqlamışdı. İndi də oxşar statistikanı görürük. iOS 17 beta versiyasının buraxılması ilə iOS 16 quraşdırmış cihazların sayında azalma olacaq.