Məşhur xaker qrupu Anonymous Rusiyaya kiber müharibə elan etdi

Məşhur xaker qrupu Anonymous Rusiyaya kiber müharibə elan etdi

 Dünyanın ən məşhur və ən təhlükəli xaker qrupu Anonymous Rusiyaya kiber müharibə elan etdi. Davam edən Rusiya-Ukrayna müharibəsi səbəbilə Rusiya dövləti bir çox kiber hücumlara məruz qalır. İşğalçı siyasətinə görə tənqid edilən Rusiyanın dövlət saytları çökdürülüb.

 RusiyaUkrayna arasında gedən müharibə Rusiyanın bütün dünya tərəfindən tənqid və nifrət atəşinə tutulmasına səbəb olub. İşğalçı siyasəti səbəbilə diqqətləri üzərinə toplayan Rusiya kiber hücumların əsas hədəfinə çevrilib. Dünyanın ən məşhur və ən təhlükəli xaker qruplaşması Anonymous Twitter üzərindən məlumat verib ki, Rusiya prezidenti Putin və onun işğalçı höküməti Rusiyaya qarşı kiber müharibə elan ediblər. Xaker qrupu bildirib ki, hal-hazırda Rusiya Federasiyasına qarşı kiber müharibəyə başlayıblar. Məqsədləri tamamilə Rusiya sistemlərini çökdürməkdir. Həmçinin özəl sektorun da bu kiber hücumlardan təsirlənə biləcəyini bildiriblər. Anonymous xüsusilə dünyada sülh istədiyini və dünyanın dört bir yanından kiber hucumların edilmə məqsədinin Rusiya sistemlərini parçalamaq olduğunu vurğulayıb. Bunu isə tamamilə Putin və Rusiya ilə əlaqələndiriblər

 Rusiyanın antivirus və təhlükəsizlik şirkətlərindən olan Kaspersky də bəzi açıqlamalar verib. Onlar bildirib ki, hal-hazırda dünya üzərində ən çox kiber hücuma məruz qalan ölkə Rusiyadır. 24 Fevral tarixindən başlayaraq bütün dövlət saytları çökdürülüb. Bunun üçün DDOS attak metodundan istifadə edilib. Saytların bəziləri bərpa edilsə də bir çoxu hələ də işləmir. Həmçinin bu proseslərdə başqa xaker qruplarının da fəaliyyəti olduğu düşünülür. Rusiya-Ukrayna müharibəsi davam etdikcə kiber hücumların da davam edəcəyi düşünülür.

Şərhlər

Digər xəbərlər