Google Android 12-də 2G şəbəkələrin istifadəsini məhdudlaşdırır

         Google şirkəti Android 12 əməliyyat sistemini bir müddətdir ki, istifadəyə verib. Android 12-ə gələn yeni bir funksiya ilə istifadəçilər 2G şəbəkəsinin istifadəsini tamamilə sonlandıra biləcək. Lakin bu istifadəçinin seçimi olacaq.       

        Electronic Frontier Foundation bir müddətdir ki, 2G şəbəkəsinin artıq tamamilə ləğv edilməsini istəyir. Buna əsas səbəb olaraq isə təhlükəsizliyi göstərir. Bu tələbləri nəzərə alan Google şirkəti Android 12 yeniləməsi ilə smartfonlara 2G şəbəkəsini sonlandırmağı təmin edən bir funksiya qoyur. Beləliklə istifadəçilər istədikləri vaxt bu şəbəkəni tamamilə söndürə biləcəklər.