Samsung, Android 13 əsaslı One UI 5.0-ın beta versiyasını əvvəlki ildən daha tez buraxa bilər. Cənubi Koreya şirkəti iyul ayına qədər beta sınaq proqramını işə salmağı planlaşdırır.

 Samsung, Android 13 əsaslı One UI 5.0 yeniləməsi üzərində işləyir. Gələn məlumat budur ki, şirkət yaxın üç-dörd ay ərzində açıq beta testlərinə başlayacaq. Cənubi Koreya texnoloji nəhənginə yaxın mənbələr beta versiyasının iyul ayına qədər gələcəyini bildirir. Görünən odur ki, Samsung keçənilki cədvəli qabaqlayacaq. Yadınızdadırsa, sınaqlar 2021-ci ilin avqustunda başlayıb. Bu dəfə yeni One UI-nin beta versiyası daha əvvəl mövcud olacaq. Təqvimin irəli çəkilməsi şirkətə interfeysi beta-sınaq etmək üçün daha çox vaxt verəcək. Android 13 əsaslı One UI 5.0 yeniləməsi həmişə olduğu kimi tədricən paylanacaq. Əvvəlcə yeni flaqmanlar, sonra isə köhnə flaqmanlar yeni versiyaya yüksəldiləcək. Yeniləmə daha sonra yeni Galaxy A modelləri və daha sonra digər cihazlar üçün buraxılacaq.