Android 13 istifadə edən Pixel 6-a Windows 11 yükləndi

Android 13 istifadə edən Pixel 6-a Windows 11 yükləndi

  @kdrag0n ləqəbli istifadəçi Android 13 istifadə edən Pixel 6 smartfonuna Windows 11 yükləyib. Həmçinin smarfonda Doom oyunu da Windows 11 üzərindən oynanıla bilib.

  Google ötən günlərdə Android 13-ün ilk önizləmə versiyasını yayımlamışdı. Bir tərtibatçı da Android 13 istifadə edən Pixel 6-a Windows 11 yükləməyə nail olub. Bundan daha əvvəl də kənar proqramlarla iPhone modellərinə Windows əməliyyat sistemi yüklənilə bilmişdi. Bilindiyi kimi Android əməliyyat sistemi Linux üzərində qurulub. Bu səbəbdən Android 13 daxil bütün Android versiyalarına virtual maşın quraraq başqa əməliyyat sistemlərini işə salmaq mümkündür. @kdrag0n ləqəbli istifadəçi də Android 13 istifadə edən Pixel 6-a virtual maşın quraraq Windows 11-i işə sala bilib. Tərtibatçı qeyd edir ki, quraşdırdığı əməliyyat sistemi ARM arxitekturası üçün hazırlanan Windows 11-dir. Tərtibatçı bildirib ki, Doom oyununu da Windows 11-də oynayıb.

  Yeni smartfonların artıq komputerlərə yaxın səviyyədə güclü olduqları məlumdur. Növbəti illərdə komputerlərdə edilən bir çox proses smartfonlar vasitəsilə edilə biləcək.

Şərhlər

Digər xəbərlər