Google şirkəti Android 13 ƏS-nin ilk önizləmə versiyasını yayımlayıb. Şirkət hər ilin Fevral ayında növbəti əməliyyat sisteminin ilk versiyasını yayımlayır. Google bildirir ki, Android 13 təklükəsizlik və gizliliyə fokuslanacaq.

  Android 12L versiyasının Beta mərhələdə olduğunu nəzərə alsaq Google şirkəti Android 13 üçün ilk önizləmə versiyasını yayımlayıb. Şirkət Android 13 ilə əsasən gizlilik və təklükəsizliyə fokuslanıb. Buna görə də əməliyyat sistemində olan “Sistem Şəkil Seçici” funksiyası təkmilləşdirilib. Artıq bulud və lokal sistemdə yerləşən şəkil paylaşılanda arxaplanda API işə düşür və şəklin paylaşılması nəzərdə tutulan tətbiq yalnız həmin şəkilə müdaxilə edə bilir. Beləliklə tətbiqlər qaleriyadakı bütün şəkillərə müdaxilə edə bilmirlər. Google bu funksiyanı həmçinin Android 11-ə də gətirməyi planlayır. Bundan başqa eyni şəbəkəyə bağlanan cihazlar bir-birini lokasiyanı aktivləşdirmədən tapa biləcəklər.

  Bir digər önəmli funksiya isə Material You funksiyasını istifadə edən Monet sistemi olacaq. Google bu sistemlə dinamik temalar hazırlamağı hər kəs üçün mümkün edəcək. Android-in temaları seçilən şəkil və rənglərə əsasən müxtəlif rənglər ala biləcək. İlkin mərhələdə sadəcə Google üçün aktivləşdirilən bu sistem növbəti versiyalarda bütün smartfon istehsalçıları üçün əl çatan olacaq. Android 13-un Pixel 7 smartfonu ilə birliktə istifadəçilərə təqdim edilməsi planlanır.