AMD Ryzen 6000 prosessorlar daxili videokartı ilə oyun performansını artıracaq

 AMD şirkəti yeni Ryzen 6000 “Rembrandt” prosessorlarını təqdim edib. Yeni prosessorların daxili videokartı gücləndirildiyi üçün notbukların oyun performansı daha da artacaq. Beləliklə istifadəçilər giriş seqmenti notbuklar ilə də oyun oynaya biləcəklər.

 AMD şirkəti 3 seqmentə ayrılan Ryzen 6000 mobil prosessorlarını təqdim edib. Rembrandt kod adlı yeni prosessorlar HS, HX və U olmaqla 3 seqmente ayrılır. U seriyası prosessorlar ultrabuklar üçün, HS seriyası incə oyun notbukları üçün, HX isə daha güclü olan oyun notbukları üçün istifadə ediləcək. Yeni prosessorların ən önəmli fərqli daxili videokartlarının inkişaf etməsidir. Bildiyiniz kimi notbuklarda 2 ədəd videokart olur. Bunlardan biri yükü az olan işlər üçün istifadə edilən və zəif olan daxili videokart, digəri isə oyun və render üçün istifadə edilən xarici videokartdır. AMD bu fərqi ortadan qaldıraraq daxili videokartları da gücləndirib. Beləcə istifadəçilər xarici videokartı olmayan notbuklar aldıqda belə oyunları rahatlıqla oynaya biləcəklər. Şirkətin verdiyi məlumatlara görə artıq HS seriyası Ryzen 6000 prosessorları bu gündən etibarən satışa çıxıb. HX və U seriyaları isə Mart ayında satışa çıxacaq. Qısacası Mart ayından etibarən Ryzen 6000 mobil prosessorlu notbukları bazarda görməyə başlayacağıq.

 Qrafik qarşılaşdırma cədvəlini yayımlayan AMD, U seriyasında istifadə edilən Radeon 680M daxili videokartının performansını göstərib. Rəqibi Intel şirkətinin İris Xe daxili videokartına nəzərən 2 dəfə daha güclü olduğunu vurğulayıb. Digər tərəfdən Nvidia şirkətinin daxili videokartı olan MX 450 ilə müqayisədə AMD-nin yeni daxili videokartları 60-80% daha güclü performans göstərib. Həmçinin şirkətin FSR texnologiyası aktivləşdirildikdə GTX 1650 Max-Q qədər performans göstərə bilib. Bu da daxili videokartlar üçün rekord bir göstəricidir.