Amazon ümumilikdə 68 fiziki mağazasını bağlayır

 Amazon şirkəti verdiyi qərarla ABŞ və Böyük Britaniyada ümumilikdə 68 fiziki mağazasını bağlayacaq. Bu mağazalara şirkətin Pop Up, Book və 4-Star mağazalar şəbəkəsi daxildir. Lakin şirkət bildirib ki, üz-üzə satışın önəmini anlayırlar və bu səbəbdən tamamilə onlayn satışa keçməyəcəklər.

 1994-cü ildə onlayn kitap mağazası olaraq qurulan Amazon şirkəti ilk fiziki kitab mağazası Amazon Books-u 2015-də açmışdı. Daha sonra isə ABŞ-da bir çox fiziki mağaza açan şirkət 2018-də ilk 4-Star mağazasını açdı. 4-Star mağazalarında sadəcə 4 ulduz və üzəri məhsullar satılır. Şirkət bildirib ki, Books və 4-Star mağazalarından əlavə Mall-larda fəaliyyət göstərən Pop Up mağazaları da bağlayacaq. Bu mağazaların bağlanma səbəbi olaraq isə şirkətin gözlədiyi performansı ala bilməməsi göstərilir. Həmçinin şirkət Yanvar ayının sonlarında özünün ilk geyim mağazası Amazon Style-ı açıb. Şirkət bununla fiziki satışlara davam edəcəyini bildirib. Şirkət mağazaların nə vaxt bağlanacağı haqqında bir tarix verməyib. Lakin bağlanmaların lokasiyadan aslı olaraq fərqli zamanlarda ediləcəyi düşünülür. Bu mağazalarda işləyən işçilərin Amazon daxilində başqa departamentlərdəki işlərə transfer ediləcəyi bildirilib.