360 Hz ekranı olan oyun notbuku Acer Predator Helios 300 təqdim olunub

 Acer 360 Hz ekranı olan və oyunçular üçün hazırlanmış Predator Helios 300 notbukunu təqdim edib. Üst səviyyə parametrləri olan notbukun ən diqqət çəkən tərəfi ekranı olub. 360 Hz ekran yenilənmə dəstəyi olan notbuk yüksək rəng doğruluğuna malik ekranla təchiz olunub.

 Tayvanlı texnologiya nəhəngi Acer keçirdiyi təqdimatda oyunlara fokuslanan Predator seriyasının yeni üzvünü təqdim edib. 15.6 düym Full HD IPS ekrana malik olan notbuk 360 Hz ekran yenilənmə dəyərini dəstəkləyir. 300 nit parlaqlığı olan bu ekran sRBG rəng şkalasını 100% əhatə edir. Yəni notbukun ekranı rəngləri 100% təbiilikdə göstərir. 4 istiqamətli RBG işıqlandırmalı klaviturası olan Predator Helios 300 720P keyfiyyətində web kamera ilə təchiz olunub. Həmçinin notbuk İntel Core i9-11900H prosessoru və Nvidia Geforce RTX 3060 videokartı ilə təchiz olunub. Acer bu modeldə oyunların yüksək qrafik ayarlarında oynanıla bilməsi üçün parametrləri yüksək tutub. 32 GB ram-a qədər dəstəyi olan notbuk 1 TB-a qədər yüksəldilə bilir. Bu qədər güclü performans yanında isinmə də gətirir. Bu səbəbdən şirkət soyutma sistemini təkmilləşdirmək üçün 5.nəsil AeroBlade 3D fanlarından istifadə edir. Notbukun port və digər texnologiyalarına baxdığımızda isə Bluetooth 5.1, Thunderbolt 4, Wi-Fi 6, HDMİ, USB 3.2 Gen 2 texnologiyalarını görürük. Acer Predator Helios 300 modelinin ilkin satış qiyməti 1930 dollardan başlayacaq. Yaddaş və ram seçimlərinə görə bu qiymət arta bilər.