Trump-ın qərarı ilə ABŞ-ın Çinli şirkətlərə tətbiq etdiyi qadağalar səbəbilə Huawei və ZTE avadanlıqlarını dəyişdirmək düşünüləndən daha baha başa gələcək. Qiymətlər ABŞ-ın gözlədiyindən daha baha olacaq.

  Federal Kommunakasiya Komissiyası (FCC) rəhbəri Jessica Rosenworcel tərəfindən paylaşılan məlumatlara görə ABŞ şirkətlərinin istifadə etdiyi Huawei və ZTE avadanlıqlarını dəyişdirmək üçün 5.6 milyard dollar vəsait tələb olunur. 2020-ci ildə ABŞ-ın qlobal təhlükəsizliyini qorumaq üçün Huawei və ZTE şirkətinin avadanlıqlarının dəyişdirilməsi üçün 1.8 milyard dollar vəsait ayrılmışdı. Lakin bu büdcə yetərli gəlməyib. ABŞ-ın ən nəhəng şirkətlərindən olan Verizon keçən iki ildə bu avadanlıqları uğurla dəyişdirə bilib. Həmçinin 181 kiçik operator şirkəti də bu dəyişdirilmə üçün FCC-ə müraciət edib. Açıqlanan rəqəmlərə görə FCC qurumunun tələb olunan büdcənin sadəcə üçdə birini qarşılayacaq qədər büdcəsi var. Bu səbəbdən dövlətin FCC qurumuna təkrar maddi dəstək verməsi gözlənilir.