YouTube dizaynını dəyişdi!

YouTube görünüşündə dəyişiklik edib. Belə ki bəzi yeni funksiyalar da əlavə edib. Platforma ümumi dizayn dəyişiklikləri və əlavə funksionallığı sayəsində daha müasir görünür. Birincisi, indi iOS və Android proqramlarında videonu böyütmək üçün barmaqlarınızdan istifadə edə bilərsiniz. Videonu böyütdüyünüz zaman barmaqlarınızı ekrandan çəksəniz belə, video elə qalacaq. Bu funksiya avqust ayında Premium istifadəçilərdə sınaqdan keçirilməyə başlandı və indi hər kəs üçün əlçatan olacaq. Başqa bir xüsusiyyət videoların istədiyiniz hissəsini tapmağınızı asanlaşdıracaq. “Netflix”ə bənzər şəkildə işləyən bu xüsusiyyət istifadəçilərə masaüstü və mobil cihazda yuxarı sürüşdürmə jesti ilə miniatür önizləmələri göstərəcək. Uzun videolarda vacib yerləri tapmağınız işinizi asanlaşdıracaq deyə bilərik.

YouTube dizaynı indi daha müasirdir

Vizual görüntüdə videoya uyğunlaşmaq üçün fon rəngini dəyişən yeni funksiya əlavə edilib. YouTube UX direktoru Nate Koechley dinamik rəng seçmə üsulunun istifadəçilərin diqqətini videoya cəlb etmək və məzmuna daha çox diqqət yetirmələri üçün istifadə ediləcəyini bildirib. Bundan əlavə, ambians rejimi video pleylistlərdə və qaranlıq rejimdə də mövcud olacaq. YouTube isə internetdə, televizorda və smartfonlarda artıq mövcud olan qaranlıq rejim funksiyasını daha da tündləşdirdiyini açıqlayıb. Eyni zamanda "abunə ol" düyməsi yenilənir və keçidlər əvəzinə düymələr əlavə edilir. Bəyənmə, paylaşma və yükləmə düymələri də yenidən işlənib. Son olaraq qeyd edək ki, YouTube bu gündən etibarən bu dəyişiklikləri həyata keçirməyə başlayıb. Dəyişikliklərin hər kəsə çatması bir neçə həftə çəkə bilər.