YouTube daha heç kimi bezdirməyəcək!

YouTube artıq tarixçəsini  (history) bağlayan istifadəçilərə video tövsiyə etməyəcək. Əsas səhifədə göstərilənlər də daxil olmaqla, bütün video təkliflərini deaktiv edəcək. Bilirik ki, məşhur platforma baxdığınız videolara uyğun tövsiyələr edirdi. Bu kontekstdə YouTube izləyiciləri baxdıqları videolarla dolu ana səhifə ilə tanışdırlar. Ancaq son yeniləmə ilə ana səhifənin lazımsız mürəkkəbliyi aradan qalxır. Video təklifləri əvəzinə yalnız axtarış paneli və abunəliklər, qısa videolar göstəriləcək.

“Bu gündən etibarən izləmə keçmişiniz söndürülübsə, izləmə keçmişini tələb edən funksiyalar (YouTube ev lenti kimi) deaktiv ediləcək. Bu o deməkdir ki, bundan sonra ana səhifə lentiniz çox fərqli görünəcək. Təklif olunan video axını olmadan siz yalnız axtarış panelini və sol menyunu görəcəksiniz. Beləliklə, siz daha asan axtarış aparacaq və abunə olduğunuz kanalları nəzərdən keçirəcəksiniz” Youtube rəsmisi bildirib.

Yeniləmə ilə YouTube platformanı video təklifləri əvəzinə axtarış edərək video tapan istifadəçilər üçün daha axıcı hala gətirməyi hədəfləyir. YouTube istifadəçilərin dəyişiklikləri bir neçə aydan sonra görəcəyini də xatırladır.