"YouTube Music"in dizaynı dəyişdi!

Youtube Music Android istidafəçiləri üçün dizaynında dəyişiklik edib. Belə ki, pleylist indi albom görünüşündə olacaq. Şəkillərə nəzər saldıqda albomun və ya örtük şəklinin ortada olduğunu görürük. Müvafiq mahnı/audio faylı yükləyən şəxsin əlavə etdiyi məlumatla pleylistin adı alboma aid olan örtük şəklinin altında yerləşir. Əvvəlki dizaynda bütün məlumatlar örtük şəklinin yanında yerləşirdi. Köhnə dizaynda "Shuffle" və "Play" seçimləri üçün düzbucaqlı düymələr var idi. Beləliklə, “YouTube Music”də başqa hansı dəyişikliklər edilib?

Mövcud dizaynın ortasına və təsvir bölməsinə baxdığımızda böyük, qalın və dairəvi pleylist simvolu ilə qarşılaşırıq. Yükləmə, redaktə etmə və paylaşma əməliyyatlarını aktivləşdirən düymələr pleylist düyməsinin yanındadır. "Mix" adlı seçim ilk baxışda görünmür. Oynat düyməsinin yanındakı üç nöqtəli işarəyə klikləməklə bu seçimə daxil ola bilərsiniz. Bir sözlə, istifadəçilərin bu simvolu görməsi üçün əlavə səy tələb olunacaq. Eyni anda bir çox ölkədə mövcud olan bu dizaynın bütün ölkələrə gəlməsi gözlənilir.