Yeni Apple Watch SE bu il tamamilə yeni dizaynla bazara çıxa bilər

Apple, 2025-ci ildə Apple Watch SE modelini yenilənmiş dizaynla təqdim etməyə hazırlaşır. Bununla yanaşı, Apple Watch Series 11 və Ultra 3 modelləri yeni funksiyalarla olsa da, əvvəlki dizaynı qoruyub saxlayacaq.

2025-ci il, xüsusilə Apple SE cihazları üçün böyük bir yenilik ili olacaq. iPhone SE 4, iPhone 16E adı altında təqdim olunacaq. Eyni zamanda, Apple, daha əlçatan qiymət üçün fərqli korpus materialına malik yeni bir Apple Watch SEhazırlayır.

Plastik korpus seçimi mümkün görünür

Güman olunur ki, yeni Apple Watch SE modeli plastik gövdə ilə təchiz edilə bilər. Bu dizayn dəyişikliyi, daha əlverişli qiymət təqdim etmək məqsədilə baş verə bilər. Əgər bu konsept təsdiqlənsə, cihazın müxtəlif rəng seçimləri ilə bazara çıxacağı gözlənilir.

Apple Watch Ultra 3 və Series 11 modellərində isə dizayn dəyişikliyi olmayacaq. Lakin Ultra 3, 5G RedCap dəstəyi və peyk bağlantısı ilə fərqlənəcək. Üstəlik,  yüksək qan təzyiqi aşkar edilməsi xüsusiyyəti də bu nəslə əlavə edilə bilər. Bu xüsusiyyət, dəqiq nəticələr verməsə də, hipertoniya riski barədə istifadəçiləri xəbərdar edəcək.

Bundan əlavə, Apple yaxın zamanda yeni AirPods ilə ürək döyüntüsü izləmə funksiyası, yeni sağlamlıq tətbiqi və AI əsaslı şəxsi məşqçi xidməti təqdim etməyi planlaşdırır.