Yeni AirPods Pro temperaturu və eşitməni ölçəcək!

“Apple”ın simsiz qulaqlıq modeli AirPods Pro çıxdığı ilk gündən diqqət çəkir. Hal-hazırda gündəmdə üçüncü nəsil AirPods Pro modelləri var və bu qulaqlıqların sağlamlığa daha çox diqqət yetirəcəyi görünür. Ən son məlumata görə, yeni AirPods Pro temperaturu ölçə və eşitmə qabiliyyətini yoxlaya biləcək.

Mark Qurmanın sözlərinə görə, Apple, yeni "AirPods Pro"lar da daxil olmaqla, bütün yeni qulaqlıqlarını USB-C bağlantısı ilə təqdim edəcək. Hazırda onsuzda AirPods eşitmənizin harada zəif olduğunu bildirən audioqram səs profillərini dəstəkləyir. Lakin Apple yeni modeldə bundan daha artığını etmək istəyir.

Gurman bildirir ki, FDA eşitmə cihazlarının reseptsiz satışını təsdiqlədikdən sonra Apple "AirPod"ları eşitmə cihazı kimi satmaq istəyir. Bundan əlavə, yeni "AirPods Pro"nun qulaq kanalı vasitəsilə temperaturu ölçə biləcəyi deyilir. Bu sayədə daha dəqiq ölçmə mümkün olacaq.

Yeni AirPods Pro gözləməli olacaq

Temperaturu ölçmək və eşitməyə nəzarət simsiz qulaqlıq üçün güclü xüsusiyyətlər olsa da, biz bazarda oxşar xüsusiyyətdə modellər görmüşük. Burada pis xəbər odur ki, "AirPods Pro"nun tezliklə çıxması ehtimalı azdır. Gurman hesab edir ki, USB-C “AirPods”a tezliklə gəlsə də, "AirPods Pro"nun 2024-cü ildən əvvəl çıxması gözlənilmir. Çünki ikinci nəsil AirPods Pro keçən il təqdim edildi.