"Xiaomi"nin ilk masaüstü kompüteri Mi Mini: Ovuc içinə sığır

Xiaomi Mi Mini adlanacaq ilk kompakt masaüstü kompüterinin posterini paylaşdı. Fotoya görə, kompüter sözün əsl mənasında ovuc içinə sığır.

Xiaomi Mi Mini nə vaxt buraxılacaq?

Dizayn baxımından Mac mini və "Apple TV"yə oxşayan Xiaomi Mi Mini metal korpusa və ön tərəfdə bir cüt USB portuna malikdir. Cihazın 8 nüvəli Ryzen 7 6800U prosessoru olduğu və enerji təchizatı tutumunun 100 Vt olduğu görünür. Cihazın texniki göstəriciləri ilə bağlı başqa təfərrüatlar hələlik yoxdur. Mi Mini kompüteri "Xiaomi"nin dekabrın 11-də keçirəcəyi təqdimatda rəsmi olaraq təqdim olunacaq. Tədbirdə həmçinin Xiaomi 13 seriyalı smartfonlar, MIUI 14 interfeysi, Watch S2 smart saatı və Buds 4 qulaqlıqlarının təqdim ediləcəyi gözlənilir.