Texnologiya dünyasında geniş fəaliyyət göstərən Xiaomi, ənənəvi məhsulları ağıllı formata gətirməkdə davam edir. Çinli texnologiya şirkətinin ən son məhsulu isə Xiaomi Smart Laser Measure – ağıllı lazer ölçmə cihazıdır.

Xiaomi Smart Laser Measure xüsusilə dəqiq ölçü tələb edənlər üçün innovativ bir həll təklif edir. Bu cihaz həm peşəkar istifadəçilər, həm də DIY işlərini özləri görənlər üçün ideal olaraq nəzərdə tutulmuşdur. Yüngül və dayanıqlı dizayna malik olan cihaz, $49.99 qiyməti ilə satışdadır.

Sadəcə bir düymə ilə ölçüm aparmağa imkan verən cihaz, 5 sm-dən 40 m-ə qədər olan məsafələrdə sürətli və dəqiq ölçümlər təmin edir. Sınıf II lazer texnologiyası sayəsində ±3 mm dəqiqlikdə nəticələr verir və həm daxili, həm də açıq məkanlarda asanlıqla istifadə edilə bilər.

Bluetooth ilə smartfonlara qoşula bilən cihaz Mi Home tətbiqi ilə inteqrasiya olunur. Bu yolla, ölçü məlumatları sinxronizasiya edilir, qeydlər aparılır və uzunluq, sahə və həcm hesablamaları etmək mümkündür. Tətbiq üzərindən planlar hazırlamaq və paylaşmaq da asan olur.

Yüksək keyfiyyətli materiallardan hazırlanan cihaz yalnız 60 qram ağırlığındadır və cibə asanlıqla yerləşdirilə bilir. Tam dolu 370 mAh lityum-ion batareya ilə 3000 ölçümə qədər davam edir və Type-C ilə təchiz olunmuşdur.

Texniki xüsusiyyətlərinə nəzər saldıqda, cihazın ölçü diapazonunun 0,05 m-dən 40 m-ə qədər olduğunu və 0,001 m dəqiqlik ilə işlədiyini görürük. Bluetooth əlaqə məsafəsi maneələr olmadıqda təxminən 8 m-ə qədərdir. Cihaz, -10°C-dən 50°C-yə qədər olan temperatur aralığında işləyə bilir və 1,23 düymlük LCD ekran ilə ölçüm nəticələrini aydın şəkildə göstərir.

Xiaomi Smart Laser Measure, texnologiyanı dayanıqlıq və daşınabilirlik ilə birləşdirərək, həm peşəkar işlər, həm də ev layihələri üçün ideal bir həll təqdim edir. Cihaz həm istifadədə asanlıq təmin edir, həm də etibarlı ölçü nəticələri verir.