Xiaomi süni intellekt dəstəkləyən ağıllı eynəklərini təqdim etməyə hazırlaşır

Son sızdırılan məlumatlara əsasən, Xiaomi 2025-ci ilin əvvəlində süni intellekt dəstəkləyən yeni ağıllı eynək modellərini bazara çıxarmağı planlaşdırır.

Son illərdə texnologiya şirkətləri üçün geyilə bilən cihazlar inkişaf etdirmək daha da prioritetə çevrilib. Apple-ın Vision Pro cihazlarını təqdim etməsindən sonra şirkətlər adi optik eynəklərə bənzər ölçülərdə ağıllı eynəklər yaratmaq üzərində işləyirlər.

Mi Fan Festivalında təqdim edilə bilər

Son məlumatlara görə, Xiaomi süni intellekt texnologiyası ilə təchiz edilmiş ağıllı eynəklər hazırlayır. Bu cihazların əsas rəqibi bazarda olan Ray-Ban Meta modelləri olacaq və Xiaomi şirkəti də bu məhsulu müqayisə ü ;çün standart qəbul edir. Meta-nın ağıllı eynəkləri vasitəsilə istifadəçilər foto və video çəkə, QR kodları skan edə, suallar verə və ya xatırlatmalar qura bilirlər.

Mənbəyə görə, Xiaomi bu cihazları Goertek ilə birgə inkişaf etdirir və eynəklərin 2025-ci ilin birinci yarısında bazara çıxacağı gözlənilir. Şirkət məhsullarını aprel ayında keçiriləcək Mi Fan Festivalı zamanı təqdim edə bilər.