Xiaomi noutbuku gəlir

Xiaomi-nin Intel Meteor Lake prosessoru ilə təchiz ediləcək yeni noutbuku Geekbench müqayisə platformasında peyda olub. Noutbukun bəzi xüsusiyyətləri açıqlanıb.   

Xiaomi, hələ açıqlanmayan Intel-in Meteor Lake prosessoru ilə təchiz ediləcək noutbuk üzərində işləyir. Intel 14-cü Nəsil Core Ultra 7 155H prosessorlu yeni Xiaomi noutbuku Geekbench-də göründü.

Geekbench nəticələri göstərir ki, Intel Core Ultra 7 155H prosessorunda 16 nüvə və 22 yiv var (6 performans nüvəsi və 10 səmərəli nüvə). Bençmark testində noutbukun tək nüvəlidə 1567, çoxnüvəlidə isə 8228 bal aldığı görülür. Yoxlanılan kompüter 32 GB RAM ilə təchiz olunub və Windows 11 əməliyyat sistemində işləyir.

Meteor Lake kod adlı Intel Core Ultra prosessoru dekabrın 14-də satışa çıxarılacaq. Bu prosessorla təchiz edilmiş ilk noutbukların ilin sonunadək buraxılacağı gözlənilir.