Xiaomi Pad 6 seriyalı planşetlərini təqdim etdi!

Çin texnologiya nəhəngi Xiaomi sadəcə flaqman Xiaomi 13 Ultra və Mi Band 8 qolbağını yox, həm də böyük maraqla gözlənilən Xiaomi Pad 6 seriyalı planşetlərini təqdim etdi.

Xiaomi Pad 6 və 6 Pro bir-birindən prosessor, kamera, akkumulyator tutumu və enerji doldurma gücünə görə fərqlənir. Onlar eyni görünür. Metal korpusa və Xiaomi 13 tipli kamera bölmələrinə malikdir. Yeni seriyanın digər xüsusiyyətlərini Dolby Atmos dəstəyi ilə dörd dinamik, Wi-Fi 6E, NFC və güc düyməsinə quraşdırılmış barmaq izi skaneri kimi sadalaya bilərik. Hər iki model ikinci nəsil stilus və klaviatura aksesuarını dəstəkləyir. Bununla belə, onlar qutuya daxil edilmir.

Xiaomi Pad 6 seriyası yaxın günlərdə satışda olacaq. Planşetlərin Çindən başqa ölkələrdə də buraxılıb-çıxılmayacağı hələ dəqiq deyil.

Xiaomi Pad 6 qiymətləri:

6+128 GB - 290 dollar

8+128 GB - 305 dollar

8 + 256 GB - 350 dollar

Xiaomi Pad 6 Pro qiymətləri: 

8+128 GB - 365 dollar

8 + 256 GB - 405 dollar

12 + 256 GB - 450 dollar

12 + 512 GB - 495 dollar