Xiaomi 15-in xüsusiyyətləri üzə çıxdı

Xiaomi 15 seriyasının standart modelinə aid xüsusiyyətlər üzə çıxıb. Snapdragon 8 Gen 4 prosessoru ilə gələcək telefon, yeni əsas kamera və daha böyük batareyası ilə diqqət çəkir.

Xiaomi 15 seriyasının Qualcomm-un 21 oktyabrda Snapdragon 8 Gen 4 prosessorunu elan etməsindən qısa bir müddət sonra satışa çıxması gözlənilir. Pro və Ultra modelləri haqqında məlumatlar əldə olunsa da, indiyə qədər standart model haqqında çox az məlumat məlum idi. Xoşbəxtlikdən, X platformasından Yogesh Brar adlı mənbə Xiaomi 15-in xüsusiyyətlərini paylaşıb.

Xiaomi 15 gözlənilən xüsusiyyətləri

Mənbəyə görə, telefon Xiaomi 14 ilə eyni ölçüdə və çözünürlükdə olan 6,36 düymlük 1,5K düz AMOLED ekrana malik olacaq. Ekran parlaqlığı barədə ətraflı məlumat verilməsə də, əvvəlki şayiələr Xiaomi 15 seriyasının daha yüksək parlaqlığa malik TCL Huaxing C9 paneli ilə gələcəyini iddia edirdi. Buna görə də, Xiaomi 15 seriyasının sələfindən daha parlaq ekran təklif etməsi gözlənilir. Məsələn, Xiaomi 14 günəş işığında 1000 nitə, HDR kontenti oynadarkən isə 3000 nitə qədər parlaqlıq göstərə bilirdi.

Xiaomi 15, Snapdragon 8 Gen 4 (və ya Snapdragon 8 Elite) çipseti ilə təchiz ediləcək və 5.500 mAh-lik batareyaya sahib olacaq. Bu rəqəm Oppo Find X8 və ya Vivo X200 Pro Mini kimi rəqiblərindən bir qədər az olsa da, sələfinin 4610 mAh tutumuna nisbətən böyük bir addımdır. 4000 mAh-lik Galaxy S24 ilə müqayisədə isə telefon daha böyük batareya təklif edəcək. Telefon, sələfi kimi 90W kablolu və 50W simsiz şarj sürətlərini dəstəkləyəcək.

Kameralara gəlincə, telefonun arxa hissəsində Omnivision OV50H əsas sensoru, 3,2X telefoto və ultra genişkameradan ibarət üç ədəd 50MP sensor olacaq. Xiaomi 14-ün OmniVision OVX9000 əsas kamerası yerinə gələn OV50H, 1/1,3 düym optik formatda 1,2 mikronlu (µm) piksellərlə təkmilləşdirilmiş İkili çevirmə qazancı (DCG™)texnologiyası ilə yaxşı aşağı işıq və avtomatik fokus performansı təqdim edəcək.

Xiaomi 15 seriyasının Android 15 əsaslı HyperOS 2.0 əməliyyat sistemi ilə satışa çıxacağı gözlənilir.