Xiaomi 13T Pro sentyabrın 16-da satışa çıxarılacaq!

Xiaomi 13T Pro-nun qlobal təqdimatı sentyabrın 16-da baş tutacaq. Təqdimat tədbirindən əvvəl telefonun bütün texniki xüsusiyyətləri, dizaynını açıq şəkildə göstərən aydın görüntülər sızdırıldı. Bu model MediaTek-in Dimensity 9200 Plus prosessoru ilə gələcək. Telefonun top modeli 16 GB RAM və 1 TB yaddaş təklif edəcək. Dayanıqlı şüşə arxası ilə klassik qara rəngdə və dəri teksturalı açıq mavi rəngdə çıxacaq telefon 6,67 düymlük ekrana sahib olacaq. OLED ekran 1,5K təsvir ölçüsü, 144Hz yeniləmə sürəti, 2600 nits parlaqlıq, 2880Hz PWM qaralma, HDR 10+ dəstəyi təklif edəcək.

Xiaomi 13T Pro üçlü kamera quraşdırması ilə gəlir. Optik təsvir sabitləşdirməli 50MP Sony IMX707 əsas kamera, 13MP Omnivision OV138 ultra geniş lens, 50MP Omnivision telefoto sensor telefonun arxa kamera quruluşunu təşkil edir. Selfie üçün 20MP Sony IMX596 sensorundan istifadə edən ön kamera var. Nəhayət, telefon 120 vatt sürətli enerji doldurmanı dəstəkləyən 5000 mAh batareya ilə təchiz ediləcək.

Xiaomi 13T Pro gözlənilən xüsusiyyətlər:

Ekran: 6,67 düym, 1,5K, 144Hz, HDR 10+, OLED

Prosessor: MediaTek Dimensity 9200+

Yaddaş: 12GB / 16GB RAM

Depo: 256GB / 512GB / 1TB

Arxa kamera: 50MP + 13MP + 50MP

Ön kamera: 20 MP

Batareya: 5000 mAh, 120 Vt sürətli şarj

Rənglər: Qara, Mavi