"Xiaomi 13"ün bugünkü təqdimat tədbiri təxirə salındı: Niyə?

"Xiaomi 13"ün bugünkü təqdimat tədbiri təxirə salındı: Niyə?

Xiaomi bu gün bir çox yeni məhsullarını, xüsusən də Xiaomi 13 seriyalı smartfonlarını təqdim edəcəkdi. iQOO 11 seriyasının isə bir gün sonra elan ediləcəyi gözlənilirdi. Lakin hər iki tədbir prodüserlər tərəfindən qəfil təxirə salınıb. "Xiaomi Weibo"da verdiyi rəsmi açıqlamada yeni Xiaomi 13 seriyalı smartfonların elanının qeyri-müəyyən müddətə təxirə salındığını və yeni tarixin hələ müəyyən edilmədiyini açıqlayıb. iQOO brendinin (vivo-ya məxsus) nümayəndələri də oxşar bəyanatla çıxış ediblər.

Xiaomi 13 seriyası niyə gecikdi?

Gecikmənin səbəbinin keçmiş Çin prezidenti Cianq Zeminin 96 yaşında vəfat etməsi olduğu güman edilir. Xiaomi təqdimat tədbiri üçün təyin edəcəyi yeni tarixi yaxın günlərdə ictimaiyyətlə paylaşacaq. Dekabrın 1-də Çin brendi Xiaomi 13 və Xiaomi 13 Pro smartfonlarını, həmçinin Xiaomi Watch S2 smart saatını, Xiaomi Buds 4 simsiz qulaqlıqlarını və Xiaomi Mini Host adlı ilk masaüstü kompüterini təqdim etməyi planlaşdırırdı.

 

Şərhlər

Digər xəbərlər