Xiaomi 13 Ultra bu qiymətə satılacaq

Keçən iyul ayında təqdim edilən Xiaomi 12S Ultra 1 düymlük kamera sensoru ilə dünyanın ilk telefonu olaraq böyük səs-küy yaratdı. Bununla belə maraqla gözlənilən telefon Çin bazarından kənara çıxarılmadı. İndi Xiaomi yeni smartfonla qlobal bazara çıxmağı planlaşdırır. Bu gün paylaşılan yeni sızma "Xiaomi 13 Ultra"nın buraxılış tarixi və qiyməti ilə bağlı ilk məlumatları ortaya qoydu. Xatırladaq ki, Xiaomi 12S Ultra 1500 manat (887 dollar) qiymət etiketi ilə satışa çıxarılmışdı. Sızıntı mənbəyi Xiaomi 13 Ultra-nın oxşar qiymətdə ola biləcəyini bildirir. Yeni flaqman ən yüksək 16 GB RAM və 256 GB yaddaş tutumu ilə ən geci aprel ayında istifadəçilərə təqdim ediləcək.

Xiaomi 13 Ultra haqqında paylaşılan ən son məlumatda cihazın əyri kənarları olan E6 AMOLED paneli ilə gələcəyi deyilir. Bundan əlavə, Snapdragon 8 Gen 2 platforması tərəfindən dəstəklənəcək cihaz 50MP 1 düymlük Sony IMX989 əsas kamerası və sürpriz periskop kamera sensoru ilə gələcək.