Xiaomi 12T seriyası 200 meqapiksellik kamera ilə gəlir

Xiaomi CEO-su Lei Jun Xiaomi Mi 12T seriyasının 200 meqapiksellik əsas kameraya sahib olacağını rəsmi olaraq açıqladı. CEO bildirib ki, kamera alıcıların telefon alarkən nəzərə aldıqları əsas amillərdən biridir və bu səbəbdən onlar bu texnologiyanın təkmilləşdirilməsinə sərmayə qoyurlar. Son sızmalara əsasən, yalnız Xiaomi 12T Pro-nun 200 meqapiksellik kamera ilə gəlməsi ehtimalı var. Xiaomi 12T-nin 108 meqapiksellik kamera ilə satışa çıxacağı bildirilir. Xatırladaq ki, sözügedən 200 meqapiksellik sensor Motorola Edge 30 Ultra modelində də istifadə olunub.

Samsung ISCOCELL HP1 son dərəcə iddialıdır

Xiaomi 12T Pro 1/1,22 düymlük Samsung ISCOCELL HP1 sensoru, faza aşkarlama avtofokusuna (PDAF) və optik təsvir sabitləşməsinə (OIS) malik olacaq. Bildirilir ki, kamera həm gündüz, həm də gecə çəkilişlərində detalları və rəngləri mükəmməl şəkildə qoruyur. Xiaomi 12T seriyası üçün açıqlanan digər təfərrüatlara 6,67 düymlük AMOLED ekran və 120 Vt sürətli enerji dəstəyi ilə 5000 mAh batareya xüsusiyyətlərini sadalaya bilərik. 12T Pro üçün Qualcomm Snapdragon 8+ Gen 1 çipset, Xiaomi 12T üçün MediaTek Dimensity 8100 prosessoru gələcəyi deyilir. Smartfonların təqdimatı oktyabrın 4-də baş tutacaq.