X TikTok-a rəqib olan yeni xüsusiyyətini təqdim etdi

ABŞ-da TikTok-un müvəqqəti qadağasından sonra sosial media nəhəngləri yeni funksiyalarını elan etməyə başladılar. Instagram Edits funksiyasından sonra X, yeni video axın xüsusiyyətini nümayiş etdirdi.

X, TikTok və digər ByteDance tətbiqlərinin ABŞ mağazalarından çıxarılmasını fürsət bilərək yeni video axınını təqdim etdi.

İstifadəçilər aşağıdakı video nişanından X-də paylaşılan videolara sürətlə daxil ola biləcəklər. Onlar lentlərindəki videoya toxunaraq və yuxarı sürüşdürməklə qısa videolara baxa biləcəklər. X, yeni xüsusiyyəti "Videolar üçün yeni və immersiv ana səhifə ABŞ-da istifadəçilərə təqdim edilməyə başladı" ifadəsi ilə paylaşdı.

TikTok qadağasından faydalanan yeganə sosial şəbəkə X olmadı. Meta, ByteDance-in CapCut tətbiqinə rəqib olmaq üçün Edits adlı video redaktə tətbiqini təqdim etdi. X-in rəqibi Bluesky isə şaquli videolar üçün xüsusi axın istifadəyə verdi.